Valideynləri İŞİD-ə qoşulmuş 20 uşaq Azərbaycana qaytarılıb

Valideynləri Mosulda hərbi əməliyyatlarda iştirak edən və həlak olan 20 uşaq İraqdan Azərbaycana qaytarılıb. Bu barədə Dini Qurumlarla İş üzrə Dövlət Komitəsi sədrinin müavini Səyavuş Heydərov bəyan edib.

SAGLAMHEYAT.NET  xəbər verir ki, S.Heydərov “İnterfaks-Azərbaycan”a bildirib ki, valideynlərini itirmiş 20 uşaq (“İslam Dövləti” terror təşkilatına qarşı İraq hökumətinin əks-terror əməliyyatları zamanı – İF) qaytarılaraq yaxın qohumlarının himayəsinə verilib.

Onun sözlərinə görə, həmin uşaqların uzun zaman dini-ideoloji müharibənin getdiyi yerlərdə yaşaması səbəbindən, onlar müvafiq təsirə məruz qalıblar.

“Hazırda onların reabilitasiyası və cəmiyyətə inteqrasiyası üzrə iş aparılır. Bundan əlavə, digər uşaqların Azərbaycana qaytarılması istiqamətində iş həyata keçirilir”, – o qeyd edib.

S.Heydərov bildirib ki, İraq ərazisində cinayət məsuliyyətinə cəlb olunan Azərbaycan vətəndaşı olan qadınlar var. “Onların bəziləri terror fəaliyyətinə görə həmin ölkənin qanunlarına əsasən edam cəzasına məhkum olunub. Digərləri ilə bağlı araşdırma davam edir”, – sədr müavini qeyd edib.

S.Heydərov vurğulayıb ki, Azərbaycan vətəndaşları ilə bağlı bütün məsələlər, həmçinin onların vətənə qayıtmaları ilə əlaqədar İraq hökuməti ilə danışıqlar aparılır.

BƏYƏN VƏ PAYLAŞ 🙂

DR.Hüseyn Esgerov

Məqsədimiz sayt izləyicilərinə daha ətraflı və dəqiq məlumatlar verməkdir.

Şərhinizi yazın

This site uses Akismet to reduce spam. Learn how your comment data is processed.

Saytı bəyəndin? Dostlarınlada paylaş :)

  • Facebook
  • Instagram
  • Follow by Email
  • RSS